這是甚麼都會發生的年代，尤其進入了新的一年！
2012年，來聽聽各路潮人、明星、設計師、女模，齊齊發揮大想頭。
問題(1)，在時裝世界，最想發生甚麼奇思異想？大肚千嬅原來最想Viktor&Rolf可以出孕婦couture，令她生龍B前有型衫着，徐濠縈就想Toga出童裝，世事沒有不可能，只要敢想！
問題(2)，2012末日論大發，「死前」最不想見到的潮流潮物，鄭兆良謂想將整容列為非法，以免眾fashionicon再變成人工怪胎，徐濠縈就對巨膊熱浪，宣佈死刑！
撰文：Gracekelly
《女星話》
楊千嬅想V&R孕婦Couture
(1)「如果2012，Viktor&Rolf可以出孕婦couture就好喇！其實我發現好多懷孕嘅婦女，都好想着得靚同型，尤其係去party，如果搵到條靚裙着，咁就好囉！」
(2)「哎吔，trend？唔，我喺2012年唔想見到嘅trend……，如果揀潮物，他媽哥池啦，唔好返嚟喇，唔知點解喎，就係覺得好煩，成日要定時定候去餵嘢食，好煩！」
容祖兒想Chanel有交叉
(1)「如果有Chanel或者LV同Bossinicrossover就正囉。最鍾意Chanel，鍾意咗好耐，因為衫、袋、product都好特別，有crossover一定去排隊。」
(2)「希望喇叭褲永遠都唔好興，因為喇叭褲好蝦大patpat嘅人着，我個patpat係唯一死穴，唔好興呀！」
王菀之想個人化CdG
(1)「我想同CommedesGarconscrossover呀，出一條屬於自己嘅line，最好就行埋個騷㖭，咁我就會請埋我形象Gavin、Wyman喺台下一齊睇我行騷。」
(2)「我最唔想見到魚網絲襪翻生，同埋水晶甲，都唔想！」
《潮人話》
徐濠縈想Toga童裝
(1)「最想啲brand出童裝，家市面都有，但唔多啱心水，我想Toga出，就前衞型啲；Chanel出就大路得嚟又hi-end，最好出小朋友手袋啦，唔買嚟用都可以睇吓。」
(2)「Shoulderpad真係夠喇，死因係太多，太濫！其實係可以存在，但唔好咁厚，唔好咁方，唔好咁緊囉，近年真係興番啲loose啲嘅着法。」
韓火火想時裝周行騷
(1)「如果說，這件忽發奇想是發生在我身上的話，我希望2012年我可以正兒八經地走場秀。話說我小時候就很想當模特，只可惜到174cm就停了，就靠今年啦！有朝一日能在外地時裝周上客串把模特，就更圓滿。想走的秀自然是Balmain、Givenchy、Chanel、JPG。」
(2)「最不想見到的趨勢很Lolita那種可愛風潮，是我的死穴，請快停止吧！我個人比較喜歡簡約的歐美風格，小可愛可以，小清新也可以，但要可愛得很國際！」
《設計師話》
鄭兆良（BarneyCheng）怕NickiMinaj
(1)「任我諗，我梗係希望2012有無數嘅Barneycrossover啦，BarneyforTiffany珠寶、BarneyforRogerVivier高跟鞋、Barney兒童派對系列、BarneyiPad套，嘩，數唔盡！」
(2)「任何由NickiMinaj啟發嘅時裝都應該收爐，太細路仔，好似將啲80年代麥當娜剩番嘅垃圾再翻炒出嚟咁，着上街都OK，但唔該唔好畀model着囉。同埋2012應該將整容列為犯法，好多fashionicon變晒怪胎，好恐怖！」
何志恩怕Logo
(1)「最想多啲香港設計師喺巴黎、米蘭揚名啦，尤其係80後、90後，可以加入呢個行列，做多啲更出位嘅時裝。」
(2)「唔想見到太多logomania嘅嘢，家啲人好似好鍾意將啲品牌logo放上身，驚死人唔知自己着名牌，着名牌變咗唔係因為鍾意個設計，呢樣係我唔想見到。」
《名模話》
周汶錡想TomFordxDior
(1)「自從JohnGalliano因為種族歧視言論被炒之後，Dior一直都未公佈新設計師，之前傳過MarcJacobs，最近又盛傳RafSimons可能接棒，謠言滿天飛，任我諗，梗係Dior配TomFord啦，冇人比TomFord更了解女人。」
(2)「我希望興咗多時嘅military可以唞一唞，太多喇，不過時裝潮流都係循環不息，in完又out，out完又in，過多幾年總會興返。」
MandyLieu想H&MforMiuMiu
(1)「作為模特兒，我當然想見多啲名牌同平民時裝店合作啦，多啲又平又靚嘅嘢，好似H&M，之前Versace嚟緊有Marni，2012年，如果H&M可以同MiuMiu，或者ChristianLouboutincrossover嘅話，真係唔介意通宵排隊搶購！」
(2)「高腰褲興咗好多個seasons，雖然highwaisted裙、褲嘅剪裁可以令雙腳望落去更修長，但我已經着到厭。」