【本報訊】本港打工仔的強積金（MPF）在2011年埋單平均每人蝕約1.2萬元，政府派糖6000元僅夠「填半個氹」！數據顯示，MPF去年整體蝕8.41%，為繼2008海嘯年以外第二差年度。專家認為，MPF今年上半年表現不樂觀，惟亞洲股票市場反彈力高，進取投資者可留意，同時可分散資金至亞洲債券市場，以平衡風險。 記者：林靜
理柏公佈基金年度數據，2011年12月MPF升0.36%，惟即使去年超過一半月份有進賬，但全年計則蝕超過8%，為08年大瀉26%以外最差的一年。倘按去年初總資產3654.4億元及涵蓋261.9萬人計，打工仔每人戶口平均蒸發約1.2萬元。理柏香港研究部總管黃澤銘表示，2011年突發利淡因素太多，窒礙主要基金表現，包括2月中東革命、3月日本海嘯、下半年美國遭降級及持續的歐債危機等，「估唔到可以發生嘅事，都發生咗！」
去年蝕8% 亞股表現最差
去年重傷板塊非亞洲區股票基金莫屬，全年大瀉15.1%，其中香港股票勁蝕20.6%，跑輸恒指不足兩成的跌幅，大中華及中國股票亦分別跌22.4%及20.6%，蝕本王為南韓股票的22.6%，表現較歐美股分別13.5%及0.3%遜色。混合基金及保證基金亦分別挫7.3%及0.2%，贏家為債券基金，有2.8%回報，其中以港元債券升4.1%最耀目。
市況亂 債券基金續獲捧
黃澤銘指，環球不明朗因素持續濃厚，今年首季、甚至整個上半年的基金表現未許樂觀。他指去年債券基金持重倉的美、英及德國國庫債券表現理想，並在避險因素下跑出，即使今年上升空間不及去年，但預料資金暫時仍繼續停泊在相關資產。
觀乎過去10年MPF表現，整體進賬52.4%，以股票基金最強，勁賺76%，而債券基金亦有42%升幅。強積金顧問公司駿隆行政總裁蕭美鳳稱，MPF股票基金往往在牛市時跑贏、熊市時跑輸，進取的投資者今年仍可考慮反彈條件較佳的東南亞及大中華股票市場，但切忌押注單一地區。
康宏強積金業務拓展董事鍾建強建議，離退休仍有一段長時間的打工仔，可將新供款押注長遠升值潛力高市場，同時，在市場回穩後擇機贖回部份已供並獲利基金，先行鎖定利潤。
《打工仔點睇？》
基金無謂轉 唔會爭太遠
「強積金計劃中八成屬進取基金，其餘為保守性基金，不會因強積金虧蝕而轉換基金，其實無所謂，唔會爭得太遠，趁年輕就進取啲，唔通等老嗰陣先嚟進取咩？」
保守基金蝕 無乜可以揀
「本身嘅組合七成為高風險基金，其餘為保守性基金。雖然強積金去年大幅虧蝕，但不會考慮轉至保守性基金，阿媽嘅保守性基金都蝕啦，都無得揀。」
