徐子珊、王敏德夫婦及混血名模AnaR.昨日現身灣仔，出席中藝開幕活動，子珊及馬詩慧戴上逾三億翡翠鑽飾行騷。子珊笑言十分驚喜：「從來未試過，戴咗上身先覺得好有壓力，好多層樓喺身，細個唔識欣賞，大個咗先發現翡翠好摩登。」問到有錢是否寧願置業，她說：「媽咪會，當投資，不過啲樓好貴，等接多啲job先。」
子珊透露收過男士送的玉器首飾：「係樓盤客，佢覺得我lucky，賣到樓盤好腳頭送畀我。」記者笑言對方應該送樓，她說：「唔貪心，都唔敢收。」此外，王敏德透露將會返內地跟曾志偉拍電影至農曆新年才能回來：「大女同二女都喺美國，得番老婆、細仔同我喺香港過，個仔都要留喺屋企讀書，準備測驗。」
採訪：林嘉慈
攝影：黃偉雄