安察洛堤強勢加盟巴黎聖日耳門，執教第一場領軍嘅比賽就對返佢前屬球隊，喺杜拜同AC米蘭踢熱身賽，結果出師不利0:1輸波，入波嘅係佢嘅舊部柏圖。之前傳到天花龍鳳話PSG要喺1月簽碧咸、卡卡同埋柏圖等球星，結果到家一個都冇嚟到。肥安賽後澄清話：「柏圖同AC仲有約在身，所以我哋無意收購，現階段我哋亦冇可能簽到卡卡。」