打機、睇動漫已被標籤成宅男、毒男，想跟社會接軌脫毒成功，唔係幾件Uniqlo、一套《卡巴斯基》就幫到你。正所謂蛇有蛇路，機迷大可發揮己長，索性以規格勁到爆嘅PSVita，打入社交網絡識女仔，由周街廣結好友，到齊齊開波打機、玩爆笑拍攝，PSVita都一手幫你搞掂晒！
記者：陳國輝
攝影：林栢鈞
Model：Jason、Jancy@Zmodel
《near》隨街隨機識機友
識女仔由做朋友開始，而做朋友，就一定要學識點用《near》喇！簡單講，佢類似大家經常玩嘅《facebook》Check-in，當你啟動呢項分唇，喺「雷達」一公里範圍內，除咗會見到好多腳印，一步步咁行，仲出現各種古靈精怪嘅卡通頭像，而呢班友仔，正正係你身邊嘅PSV機民。
電玩男Jason玩爆手上隻Vita遊戲，悶悶哋，大可上《near》睇吓有乜志同道合嘅老友！Jason唔止睇到對方玩過咩遊戲，仲知道佢拎過幾多個獎盃，見大家啱Key啱嘴形，又鍾意玩《無雙》，立即就可Add對方成「好友」，日後想交換吓心得，又或者為某啲遊戲評分都可以。
成為「好友」之後，除咗即時知道對方玩過乜，更可以邀請佢齊齊Online打機！但係，Jason就決定利用《群組訊息》同佢傾偈，PSV提供咗虛擬鍵盤，有英文，倉頡以及速成輸入法，惟一可惜唔提供香港字庫，未能發揮王晶式追女仔既啜核對話。
《HelloFace》爆笑攝影
Jason一發現周街識既「好友」，原來係個靚女，就可即時展開攻勢，以PSV獨有搞鬼分唇，打開雙方話匣子。例如《WelcomePark》有一款相片拼圖，可即時將相機拍低既靚相，拆散晒變成併圖Game；而另一款滑動遊戲，則利用PSV六軸，以左右前後傾斜來避開阻礙物；不過，Jason最後選擇《HelloFace》為撒手鐧，皆因呢項分唇能將照片變成識眨眼以及說話嘅人臉，佢先嘗試自拍，可惜失敗居多，就算成功模擬出一張人臉，活動效果亦未夠真實。後來，佢搵咗三包糖，並分別像眼睛及嘴巴般放喺枱面上拍照，輕易成功之餘，效果更比自拍理想。最重要係，以上幾項PSV新機能，自娛以外，二人同樂亦好過癮，總比黎黎去去隊部iPhone出黎咁悶啦。
宅男脫毒案件重演
