假若喺Google輸入「港元、美元、脫鈎」，會得到91萬個搜尋結果，可知呢個題目幾多人講過。港交所（388）行政總裁李小加正正明白一日未脫鈎一日都係話題，可能有感呢個話題自己都答到悶悶地，所以改一改個答案，佢話不如等上帝話過我哋知！
港元脫鈎要問上帝
李總裁話，佢個人認為最好唔去討論呢個問題，因為港元同美元掛鈎一直係香港繁榮嘅根基，貨幣穩定對信心相當重要，最好「nottotalkaboutit」，「上帝有想法時，就會告訴我們」，而上帝未有話畀我哋聽之前，港元繼續要同美元掛鈎，唔使多講！至於今年人民幣股票表現點？佢話港交所一切準備妥當，只係睇市場反應。
李小加喺2012年第一個工作日撰文支持「人民幣國際化」，發表養大人民幣呢個「仔」嚟「防老」嘅偉論，噚日李總裁又喺中華總商會繼續發功，深化演繹呢篇文章，間中搞幾個笑位，聽到班觀眾好投入。