模鍾采羲（Iris）出道以來力sell天然35E驕人上圍，早前跟密友唐貝詩爆出斷背情，她表示全屬笑料，她說：「我哋只係咬耳仔講八卦嘢，雖然我性格鬼妹仔，但同佢識咗咁耐都未過kiss，緋聞好搞笑，但我寧願同男仔傳嘞。」
早前Iris自爆後天加工人造酒凹，她坦言曾遭家人反對，她說﹕「少少啦，但一定唔要一號眼、二號鼻、三號嘴，酒凹又唔算大整，我覺得冇所謂。」
問家人攞錢
Iris家境不俗，一向玩慣食慣，跟不少富豪二代相熟，踏入新一年，她揚言要節儉一些：「入行後雖然有登台同出騷打碟，但入不敷支，要問屋企人攞錢。家人大咗，開始覺得銀行冇錢好冇安全感，所以希望儲番啲。」她表示會給自己兩、三年時間在娛圈發展，如果發展不順利，便考慮返英國完成設計課程。
採訪﹕林妃 場地﹕Alba