基斯坦奴朗拿度（C朗）自從加盟咗皇家馬德里之後，喺對巴塞隆拿嘅西甲國家打吡一路都未威過，直至喺禮拜三皇馬終於威番次，不過係用手唔係用腳贏。C朗喺嗰晚同女友艾琳娜拍住拖去睇皇馬對巴塞嘅籃球賽事，除咗佢哋之外，皇馬主席佩雷斯同埋部份皇馬球員都有捧場。場波皇馬仲以78:74贏咗，叫做幫足球隊出番口氣喇。