鄺美雲今年選港姐入行30周年，喜事成雙，昨日獲理工大學頒授大學院士。醉心佛學的她在台上致辭時，謂做人要有「三好四給」，要做好事、說好話、存好心等，她笑言人要keep住忙碌才有營養，問到她要否感情滋潤時，她表示沒想過，一齊隨緣。
鄺美雲、莎莎老闆郭少明和夏利里拉家族成員夏雅朗等，昨日齊齊獲理工大學頒授大學院士榮銜，鄺美雲的弟弟、兩名姪女、好友如陳志雲和金燕玲等紛紛前來祝賀。
三好四給
今年是鄺美雲參選香港小姐入行30周年紀念，可算是雙喜臨門，鄺美雲在台上致辭說：「自己成日都以『三好四給』嚟做人，『三好』係要做好事、說好話、存好心，『四給』係要給人歡喜、給人希望、給人信心同給人方便。」
問鄺美雲獲頒院士的感受，她說：「細佬係大學畢業，兩個姪女兩年前喺英國畢業，家到我畢業，自己今年選港姐30周年，佛學畀我好多，有佛法就有辦法，所以自己好感恩好幸福。」
鄺美雲又透露現在忙於打理生意及佛光會的活動，她說：「自己都冇時間去旅行，不過人忙先有營養。」
「都係隨緣」
記者笑鄺美雲沒時間拍拖，她即謂：「毋須要特別搵，搵到都唔介意，自己平時成日做義工，都有男有女，冇留意，應該冇追求者，呢啲都係隨緣。」
採訪、攝影：楊潔雯