胡定欣有份演去年底播嗰套電視劇《法證先鋒III》嘅律師角色，前日佢帶住父母喺銅鑼灣行街，行完一輪佢就放低父母，自己將架車泊咗去時代廣場嘅停車場，跟住會合兩位老人家去時代廣場嘅超市買嘢。原來佢心目中已經諗定買意大利火腿做餸，所以佢一行三人喺超市逗留唔夠5分鐘就走，可算快靚正，跟住就攞番架車走人。