仍然未賣得出嘅曼城前鋒泰維斯，呢期身在布宜諾斯艾利斯享受吓天倫樂，咪以為佢自從9月之後冇再踢過正式比賽，但到家身形都仲保持得好好。泰維斯一路都有keepfit，早兩日同一對女去沙灘玩之前，仲特登操一輪先去。至於泰維斯去向問題，雖然AC米蘭同曼城依然傾唔埋，但據講殺出咗國際米蘭呢個程咬金，開價2,200萬鎊斟佢。