梁朝偉、劉青雲同周迅主演嘅新戲《大魔術師》就快上映，戲中偉仔破格扮演魔術師，造型亦千變萬化，其中佢會再次以《東成西就》嘅阿拉丁造型出現，真係好似坐時光機返到去當年。問到如果真係有神燈嘅能力，偉仔想有乜願望？佢話會將願望捐出嚟：「我哋食得飽着得暖，已經係上天恩賜，所以會為有需要嘅人完成夢想。」