無綫前晚為胡楓製作《人生80勁楓Show》特輯，慶祝他80歲大壽，好友李香琴、譚炳文、「福祿壽」王祖藍、李思捷和阮兆祥、商天娥和滕麗名等出席，現場播出契仔張學友日前出席修哥壽宴的片段，當中學友大爆：「契爺有個習慣，就係臨瞓前會喺床邊行足個幾兩個鐘，所以家依然咁紮紮跳。」另一契仔黎明即場來電祝賀，加上有親生仔女和乖孫出席，難怪修哥整晚四萬咁口。
修哥和商天娥合作處境劇《結．分@謊情式》傳不和，但兩人在記者前沒有芥蒂，娥姐更錫修哥一啖，他搞笑指「唔收貨」，娥姐即再大啖錫，修哥又鬼馬說：「我哋唔係唔啱，點解我俾你錫？」問到滕麗名亦傳和娥姐不和，因娥姐遲到，阿滕說：「我唔知，總之我好準時，開工最緊要開心。」另有傳加重娥姐戲，但刪減阿滕，她說：「我真係唔知，我係一嚿雲，與世隔絕。」
採訪：黃曉妍 攝影：仇志德