湖人成日話要超級中鋒，季前就話想用拜林（持球者）換懷特侯活，搞到拜林好鬼冇癮。唔知係咪谷得多，停賽完復出嘅拜林勁過出柙猛虎，周二對火箭直頭打到史高拉冇影，個人轟入21分及搶下22個籃板，連射入37分「大佬」拜恩都唔夠佢搶鏡。難怪拜恩賽後都大讚佢「潛質非凡，落到場就想主宰比賽，亦真係做到！」