車路士中場林柏特，俾傳媒指佢已經唔受領隊波亞斯（圖）重用，上仗對維拉更加慌失失，誤傳搞到輸第3球，以1:3大敗。好彩林伯呢場爭氣，完場前1分鐘接應艾殊利高爾妙傳，近門射入，幫車仔贏狼隊2:1，聖誕新年賽程終於開齋，林伯都算將功贖罪！不過英國《太陽報》就話，喺呢場波賽前賽後，領隊波亞斯都冇同林伯交流喎！