蘋機會:修圖快過神仙水 素顏變索女

蘋機會:修圖快過神仙水 素顏變索女

在這個Share年代,人人都愛上網分享個人生活照,別人ClickLike便已很滿足。擺得上網見人,梗想Show自己最靚一面,有時「執」吓個樣在所難免。今日請嚟專業修圖師Toby,傳授執樣秘技,示範以《Photoshop》+Wacom板,一軟一硬簡單幾筆修圖,就可將素顏雀斑女變淡妝索女!

記者:韓繼聰
攝影:林栢鈞
Model:Kimberly@InterplayWorkshop
查詢:Wacom(25739322)

TobyProfile

師承攝影大師葉青霖,擁有超過15年以上電腦修圖及影像製作經驗。同時亦是修圖導師,累積學生超過一千人,經驗豐富。

10分鐘變靚啲

Model本身輪廓不俗,只係多咗啲雀班同有少少攰樣。

調好曝光同對比度後,再同Model「化妝」,在電腦上逐步加上眼影、粉底、唇彩,即時Sharp晒。

注意皮膚Texture

要執一張靚相,第一步就係要從修改相片曝光和對比度開始。一般來說,只要將光度和對比微微提高,皮膚已經可以白淨滑溜得多,比用「神仙水」更快更有效,當然不能過火,否則相片細節會唔見晒。見Toby簡簡單單已令Model皮膚變靚,可見其功力深厚。基本「大路」調校後,就要開始「細執」,微小如暗瘡、雀班,甚至一條頭髮都可慢慢執走。
見Toby手起筆落,用的都是CloneStamp和HealingBrush等《Photoshop》基本工具,但效果極好。Toby透露小秘訣:「把相片放得大一點,用更精細的BrushSize,自然可執得更細緻。但更重要的是要細心留意皮膚Texture(紋理)及光暗位,例如用CloneStamp執頭髮時,就要揀附近適合的皮膚範圍嚟做,光暗位一錯就唔自然。」
不消十分鐘,相中的素顏雀班女已變成皮膚靚爆索女,白滑得嚟亦自然亮澤。不過佢就提醒話:「執相好易沉迷,特別係女仔執自己嘅相,總係想自己越靚越好。但執得太過份,皮膚會無晒質感變蠟像,要見好就收!」

■Toby修圖嘅最佳拍檔就係呢塊Wacomintuos4繪圖板。

■利用繪圖板可輕易圈出眼影部份,調校顏色後就有靚靚眼影。

■為臉頰及嘴唇加色,如同化妝一樣,女仔易上手但亦易上癮。

修圖如化妝 善用手中工具

見Model變靚晒,以為完成,原來真正「變靚啲」程序先啱啱開始。Toby用手上繪圖筆高速圈起臉部,調一調色調,Model立刻上妝。接着再上眼影、唇彩,Toby的繪圖筆彷彿變成化妝工具,連Model都睇得眉飛色舞,猛加意見。「其實修圖似足化妝,所以女仔特別易上手。試過有男學生問我,眼睫毛同眼眉毛有咩分別,嗰刻真係畀佢笑死。」
工具當然亦係重要一環,而繪圖板就絕對係Toby的好拍檔。「好的繪圖板能準確感應落筆位置和力度,Mouse絕對做唔到咁細緻。」專業的繪圖板更會有唔同嘅筆款,如噴槍、美術筆、墨水筆等,再加上不同硬度質感的筆芯,方便用家做出不同效果。

■設快捷鍵及觸控環,用家可自設其功能。

■intuos4屬專業級繪圖板,Toby由第一代用到家第四代,是忠實Fan。(售價由$1,900至$6,300)

■擁有2,048級壓力及60°傾斜感應的繪圖筆,筆身極輕。(售價由$620至$900)