上星期火箭去到孟菲斯作客灰熊，搭飛機回程嗰陣有段小插曲。因為大霧，火箭搭嘅航班要由賀比機場改為喺喬治布殊州際機場降落，雖然兩個機場都喺侯斯頓，但個個球員都將架車泊晒喺原定嘅賀比機場。結果火箭千辛萬苦搵咗大概10架的士，將球隊上下，車返去賀比機場，再自己揸車返屋企。班機本來已經係深夜12點半先到埗，咁再搞一搞，真係全隊成晚都冇覺好瞓。