上星期六，阿仙奴憑住神射手尹佩斯（圖）一箭定江山，1:0險勝昆士柏流浪。贏波之後上番前4，開心係應該嘅；不過佢就差一球，平唔到由舒利亞保持嘅英超一年最多入球36球紀錄，以35球屈居第2。領隊雲格賽後就話尹佩斯雖然冇同人講，不過就肯定佢好失望。咁又係嘅，臨完場前佢不停叫啲隊友畀波佢，但班隊友又怕輸唔肯攻，所以最後先至平唔到紀錄咋！