城嫂熊黛林（Lynn）繼之前捧男友郭富城紅館演唱會後，前晚又再度踩場，跟城城同全場歌迷一齊迎新年，佢朋友仲即時將合照貼上微博。相中所見佢哋戴上閃燈魔鬼角頭飾，相信喺台上嘅城城一眼就睇到佢喺台下捧場。前晚全場觀眾仲玩人浪，氣氛high爆，城城亦安哥5首歌答謝觀眾，唱到接近淩晨一點鐘。