吳思諾Senia對父親最深刻的印像，只有一個。「我最記得爹哋間唔中都會夜晚成11點幾先返到屋企，然後就會攬到我哋（兄妹）好實、好實。」也許當時年紀小，Senia笑稱當時一被攬，「我就會掙扎，跟住就走咗去」，遺憾是當她想得到父親緊緊擁抱時，已經天人相隔。
吳明欽離世時，Senia只有3歲。她對父親的死，印像極模糊，只依稀記得有一天，媽媽好像告訴她：父親走了，從此不回來。還未懂得死亡為何物的小女孩，只呆呆應了一聲就算，沒有流淚，沒有悲傷，一切彷彿沒有改變。
原來吳明欽曾在得悉大限將至之時，在病榻中為Senia與比她大兩歲的哥哥錄製影帶，向兩兄妹送上「臨終教誨」。兩兄妹一時的「惡作劇」，卻永遠錯失父親的珍貴「遺言」。「有日電視播住老竇講嘢，背景好似係醫院，叫我哋要點點點；我同阿哥睇睇吓就將啲Lego塞入個錄影機，連餅帶都壞埋。阿媽好嬲，鬧咗我哋一餐。」
圖書館讀紀念集「睇到喊」
Senia長大後，主動尋找父親的歷史蹤迹。除了翻看有關他的報章報道，也會閱讀有關父親的書籍，「有次喺港大嘅圖書館，借咗本紀念集（《燃點此生──吳明欽紀念集》）嚟睇，睇睇吓睇到喊，咪即刻衝出圖書館」。想起英年早逝的父親，Senia偶爾還會悄然淚下；但相信堅強地活下去，才會令天上的父親微笑。 《蘋果》記者