新昌建築新抱葉梁美蘭（Mira）嘅父親梁炳乾因病喺上月逝世，享年92歲，噚日喺香港殯儀館設靈，喪禮以天主教儀式進行，到靈堂致哀嘅有丁午壽同賭王千金何超鳳同丈夫何志堅等。Mira噚日下晝約5點同丈夫葉維義現身殯儀館，Mira眼濕濕話：「爸爸病咗一段時間，佢好慈祥，而且不嬲都好壯健，佢患上癌症我哋都覺得好突然。」