創新科技署前署長王錫基自從07年退休之後，已經好少見佢喺媒體出現，估唔到最近喺創業板新股易通訊（8031）嘅招股書再見到佢個名。原來佢舊年底，應易通訊邀請做獨立非執行董事。
下周一創業板掛牌
搵得王錫基入局，易通訊從事業務自然同科技有關。話說呢間公司主要提供綜合多媒體客戶聯絡服務，同客戶聯絡中心系統，預計下個禮拜一掛牌。
王錫基入創新科技署做署長之前，喺電訊管理局做總監，電管局第一任總監就係家電盈（008）董事總經理艾維朗。
講開又講，電管局第三任總監區文浩，同樣喺07年退休，但區文浩似乎好享受退休生活，兩年「冷河期」過晒，家都未見佢有加盟上市公司。