「路過」完民建聯黨慶嘅梁振英（CY），噚日下午全家出動拉票，去咗花墟逛「本地漁農美食迎春嘉年華」，用咗四五百蚊支持本地出品，買咗啲烏頭同寶石魚之外，仲買咗一盆臭草，話臭草係用嚟煲綠豆沙㗎。
狼振英一向鍾意種嘢，佢噚日大嘆以往屋企種嘅桃花同李花都係同一日開，但今年農曆年未到，李花同桃花已經提早開晒。梁太噚日就一度返轉頭去漁農展，原來係專登買咗啲白花蛇舌草，話要煲湯畀老公飲，幫佢清熱解毒兼下火。噚日展覽會場人山人海，狼振英突然殺到，惹起公眾混亂，有市民投訴擾民，有工作人員仲大呻狼振英落嚟前唔通知聲，畀佢玩死喇。