港台節目《警訊》間唔中都會介紹吓警隊入面飛虎隊等特別部門，不過最近就搞搞新意思，首次揀咗保護兒童組畀市民認識，仲一連拍咗兩集連續劇㖭。
家居錄影會見室曝光
舊年先至生咗個BB做咗媽咪嘅女演員唐寧，會喺劇中扮演虐兒案件調查組Madam，講吓佢點樣追查一單14歲少女被獸父亂倫嘅案件。原來警察同社署有個「家居錄影會見室」，等被虐嘅小朋友可以喺義工陪同下，去到一個類似屋企嘅環境，透過錄影作供，唔使佢哋親身去警署，減少心理上嘅恐懼。近年較少拍劇嘅梁榮忠今次都粉墨登場，喺片中飾演唐寧嘅老公。
《警訊》監製麥麗貞話，唐寧初為人母，搵佢做正氣Madam保護兒童，形象上啱晒！套劇會係1月7日同14日（星期六），晚上7點喺亞視本港台《警訊》內播出。