世界華人保釣聯盟成立一周年，兩岸三地保釣人士齊集香港慶祝。聯絡人陳妙德話，難得兩岸三地嘅保釣兄弟齊集香港，大家開會後決定點到要去釣魚台走番轉，今日就會出發，向日本軍國主義宣示主權。
目前停泊喺筲箕灣避風塘的保釣二號，舊年得到政協委員劉夢熊捐助100萬；聯盟用咗40萬進行大修後，已經達到政府有關部門要求，令今次出海少咗啲阻礙，全船最多只能載15人，包括3名船員。冬季東北風下，海峽兩岸風急浪高，顯然唔係啟航最佳季節，但陳妙德相信最大問題唔係風浪，而是特區政府過去多次以唔同招數阻撓，唔知今次會唔會有新花臣喎。