【本報訊】元旦日，大家樂給食客嘔心「加料」。一名約60歲男子昨晨於馬鞍山食早餐時，竟發現魚柳內藏假牙。下午一名約30歲女士於奧海城食鯪魚球，則咬下半隻蟑螂。
洪先生昨晨在馬鞍山新港城中心大家樂分店，購買魚柳早餐堂食，進食期間發現魚柳中有一顆鋼製假牙，體積相當於尾指的指甲。事主致電食環署後，當局昨日已取走假牙化驗。
本身是「Club100」會員的洪先生說：「你賠番一年早餐畀我都冇用啦，我唔係貪呢啲，我只係要求佢地啲嘢無病毒就得喇！」
容小姐則在奧海城一期大家樂食生菜鯪魚球下午茶餐時，不慎咬下半隻蟑螂。她向本報投訴：「我已經食完啦，想飲啖湯，跟住咬咗一下，味道唔同，咁我就吐出來，見到細細隻嘅（蟑螂）頭。」
如吞下蟑螂不必扣喉
醫學會會長蔡堅表示，X光可以睇到啲牙喺腸臟嘅位置，而蟑螂經煮熟已殺菌，但如果活生生被浸死，啲細菌已經污染食物，有可能食物中毒」。他建議一旦吞下蟑螂，不必「扣喉」，蟑螂經消化系統，由糞便排出體外。大家樂昨未有回應。