【本報訊】港鐵上月中放寬容許乘客攜帶已拆轆或已摺合的單車乘車，但日前一名惡男推單車入閘後堅拒拆轆，被勸阻時不斷爆粗辱罵職員。片段被放上網後，惡男即惹來單車愛好者圍攻，直斥他「無知及自私」，令單車界蒙羞。
圖襲拍片者
名為「單車人渣，破壞單車團體的努力，最終被捕」的短片，於前日被上傳至YouTube。據片主所述，一名中年漢未為單車拆轆，就用闊閘機進入太子港鐵站，其間一女職員緊隨並要求對方拆轆，但對方卻回應：「上車拆轆都未遲啦……X你老母」，當女職員阻止他推車落樓梯，以免弄傷乘客時，惡男再罵：「要賠㗎，X你老母」。惡男無視勸阻將單車推落荃灣方向月台，更對拍片者大罵：「你影X完未呀？」又試圖動手施襲。惡男之後向剛趕來增援的港鐵男職員說：「畀我上車先拆轆丫嘛，都推X咗落嚟月台」，該名一直跟隨的女職員則直言：「你未買飛之前我已經話咗畀你聽」，該男子才肯收聲。
片段引來不少單車愛好者反感，有網民直言：「返屋企先拆（轆）啦笨！」亦有網民說：「萬一地鐵收番放寬政策，日後團體仲點樣去爭取更多？」