趣趣地：「腦殘」做煙鏟文帥無符

曼城「腦殘」巴洛迪利（左）有吸煙習慣，普天之下應該冇人唔知。但係領隊兼契爺文仙尼，上星期六同傳媒講，話「腦殘」一個星期會食成兩包煙，即係一日5支！文帥想球員踢得好，梗係唔鍾意人食煙啦。佢話叫過巴洛迪利戒煙，不過契仔唔肯聽，仲話如果「腦殘」真係佢個仔，會一腳伸佢「八月十五」唔畀佢食。可惜，文帥唔係巴洛迪利老竇，所以先乜辦法都冇。