聽日就踏入2012年，而上任咗唔夠5個月嘅國足教練、西班牙籍名帥甘馬曹亦喺馬德里嘅屋企，率先同各位中國球迷拜個早年。只見甘馬曹喺屋企都着到西裝骨骨，仲揸住幅中國月曆同各位球迷拜年（圖），認真入鄉隨俗；甘帥仲話自己無時無刻都關注緊中國球壇所發生嘅一切。另外，甘馬曹拜年之餘亦不忘「騷下哥利」，向球迷展示下自己球員時代拎到大大小小嘅獎盃，大曬威水史。