遊搜好行：倒數怪招　午夜跳傘　飛一般過新年

今晚大除夕，你已經佳人有約？還是打算在電視機前看世界各地的人迎接新年？我經常幻想要參加一個「特別」的倒數活動，例如踏入新年的第一秒，從高空跳傘而下，又或是夜潛水底倒數！咪笑我Crazy，怪招真是處處有。世界咁大，不如參考一下大家的倒數方式。

記者︰徐影珊
相片來源︰蘋果資料室、有關機構

最刺激
天降跳傘怪客

當倒數五、四、三、二、一！由一萬多呎的高空從天而降的感覺有幾好Feel？相信只有玩午夜跳傘倒數的一小眾人才知道，在美國阿拉巴馬州及佛羅里達州均有Skydive公司發起MidnightSkyjump迎接新年，歡迎有牌有經驗的Jumpers，齊齊做午夜跳傘怪客。其中SkydiveAlabama並非首次搞這種活動，2008年玩過一次，片段流傳在YouTube，大家手執螢光棒上機似足探險，黑到其實好難睇得清楚。有膽玩都要有技巧，明年想參加？都係先去上堂學跳傘啦！

■他們似乎也愛冒險，摸黑出發去跳傘，真是極富經驗先夠膽做。

■倒數到1的時候，一躍而下，相信會好刺激，一定是個難忘的新年呢！

■日光日白跳傘就話睇得好清楚，但夜晚跳就唔係咁講啦！

■開傘後，一般會慢慢浮在半空，此時感覺最好。

參考網址︰ http://www.skydivealabama.com/news-a-events

　
考膽量
賭城塔頂吊住倒數

參加唔到跳傘倒數？不打緊，現介紹的這個是開放予公眾，不過一樣考你膽量！在108米高的Stratosphere高塔上玩過山車、玩跳樓機，或者伸到出塔外的玩Insanity，唔嚇死都會尖叫到喉嚨痛！年中才新增的Skyjump，已取代澳門旅遊塔成為全球最高商業跳，更營業至凌晨1時。加埋當晚在108樓層的酒吧倒數，大家可身處全城最靚景的高空，觀看煙花盛況，或者吊住在跳樓機上倒數，要幾激有幾激呀！

■從這角度看，Stratosphere跟澳門塔有幾分相似。

■賭城的天空上，坐着這種機動遊戲，你夠膽挑戰嗎？（相片來源︰Stratosphere）

■玩意Insanity把你吊在塔外，這時候倒數，夠晒刺激吧！

■來自烏克蘭的旅客也說驚嚇度爆燈，唔知大除夕再挑戰佢哋又點睇？

參考網址︰ http://www.stratospherehotel.com/

　
最靚景
荒山野嶺睇日出

可能因為《天與地》這話題，身邊朋友都發起今日去露營倒數。可惜香港沒有雪山，不能型到爆般在深山野嶺度一宿。不過在世界好多地方，有些有心人會自組行山團，務求在BaseCamp倒數，第二朝在最高峯看日出。瑞士的策馬特是所有登山人士夢想地，行過冰川後，在MonteRosaHut可借宿一宵，倒數迎新年，第二朝看日出兼再登頂，遙望瑞士最靚的馬特洪峯。天與地之間只有你，或者是最有意思的倒數及新年活動！