黃浩然和周麗淇（Niki）前晚在銅鑼灣宴請無綫劇《我的如意狼君》台前幕後人員食飯，姚子羚、龔嘉欣、葉翠翠、胡諾言及監製李添勝等均有到來，搞手Niki原想安排明晚播映大結局時食飯，可惜各有工作，故提前相聚。
「揀中我就係我」
李添勝不滿《我》劇成「炮灰檔」，但他說：「我冇乜嘢，小問題，呢啲檔期少人睇都冇辦法，長假期唔係出埠就出街，邊個會睇電視吖？預咗啦，入行20幾年都食過唔少次呢啲檔期，揀中我就係我囉。」
Niki說﹕「冇特別安慰添哥，佢份人直腸直肚，檔期控制唔到，但有口碑就得。今餐食幾多錢冇所謂，大家拍得咁辛苦，最緊要開心聚舊。」黃浩然承諾若結局高收會再請食飯。
採訪、攝影：王崇穎