張學友大前晚喺深灣遊艇會同契爺胡楓（修哥）賀壽，第二日又要走去澳門開個唱。原來無綫喺下月18日為修哥80歲大壽舉行嘅《人生80勁楓Show》，學友雖然因為要做演唱會出席唔到，但無綫大前晚已經拍咗學友同修哥合唱同獨唱嘅片段，擺喺《勁楓Show》內播映，而修哥契仔黎明、劉美君同林憶蓮亦都拍咗片段喺節目中播出。