噚日係關智斌（Kenny）31歲生日，佢要喺工作中度過，跟住仲要忙倒數活動同出席頒獎禮，明年初去北京拍戲，冇時間慶祝，日前Kenny嘅同事就喺公司幫佢慶祝。講到生日願望，Kenny希望明年有時間推出一張滿意嘅國語專輯，同拍檔張致恆進軍華語市場。問Kenny會唔會搵密友張敬軒寫歌？佢話：「或者，當生日禮物。」