曼聯hea鋒貝碧托夫（圖），喺拆禮物日炒韋根5球場波，突然發力大演帽子戲法。早前都有傳過吓，今年夏天合約到期嘅佢，有機會離隊他投。不過費Sir上星期六就話，hea碧份約有列明，球會有權留多佢一年，仲大讚佢係一個好有才華嘅球員，所以會執行呢個條款。講真，貝碧托夫唔hea嘅話，又真係幾勁，希望佢聽到老費咁講，會落力啲踢啦！