王祖藍、李思捷和阮兆祥為明年2月舉行的「那些年，爆笑不離3兄弟」演唱會造勢，昨日先後到旺角及銅鑼灣兩個旺區派雪糕，吸引大批途人圍觀，連外國遊客都前來湊熱鬧，伸手攞雪糕。
秋官做嘉賓
福祿壽預計今次演唱會只演出一場，祥仔說：「唔加喇，一場開開心心，試吓反應先，好的話一定有part2。」問到會邀請哪位巨星嘉賓？祖藍嬉皮笑臉說：「嗰朝秋官（鄭少秋）用官晶華個電話親自打畀我，話一直有留意我哋，答應做嘉賓之餘，仲問唱一首歌夠唔夠！」思捷插嘴說：「真嘅，當晚我哋會向秋官致敬，到時真假秋官都上台。」思捷又指五虎都答允做嘉賓：「不過，唔排除當中會有山寨貨。」
除了致敬環節，福祿壽透露個唱內還會有快速換裝環節，祥仔說：「個唱名叫《那些年》，所以仲會有part係將我哋嘅初戀放上台，到時會請埋我哋嘅學生情人、幻想對象等上台一齊合唱。」
採訪、攝影：譚倩宜、楊潔雯
