熱爆港台嘅《那些年，我們一起追的女孩》喺香港票房截至前日已經去到6,117萬，成績好犀利，主角陳妍希同柯震東人氣急升，除咗密密嚟香港出席活動搵真銀，聽日除夕佢哋呢對螢幕情侶將會被拆夥，分頭去唔同商場做倒數活動嘅嘉賓。陳妍希會去觀塘apm，柯震東就去新蒲崗嘅Mikiki，相信兩人工作後都會相約聚頭啩。