阮兆祥早排接受《女人有話兒》節目訪問大講男人經，之前先啱啱同何傲芝傳緋聞嘅祥仔就話，男女相處嘅必殺技係扮死狗，不過佢承認同女友拍拖12年，暫時都未有結婚衝動。吳綺莉亦被大迫供，佢自爆有幾位追求者，但就未搵到合適對象，佢又承認當初決定生咗個女係自己好勝，但就冇後悔生佢出嚟，因為個女令佢好感恩同開心。