噚日係梅艷芳逝世八周年，梅姐徒弟何韻詩去咗寶蓮寺致祭，而梅姐一班歌迷就去咗九龍塘致祭，梅姐生前好友蘇小姐話，一班歌迷會繼續以梅姐名義喺內地建學校，據悉梅啟明喺中午現身致祭。梅姐另一徒弟蘇志威喺微博留言：「八年前的今日因你令我瑟縮淚流。八年後的今日因你令我昂首闊步。」另外，梅姐嘅歌迷傍晚時份亦喺中環搞追悼會。