「呢段日子真係好多謝大家，無論相識與否，有你哋支持，我哋先捱得過去。我好有信心兩母子會平平安安咁出手術室！」幾經波折，風風終能換肝續命，虞先生語帶感激。昨午醫生確認虞太全身掃描沒有異樣，今晨與風風齊進手術室進行肝臟移植。作為丈夫和父親，他將在手術室門外默默守候，直至母子平安出來。
虞太昨晨帶着4歲女兒到瑪麗醫院換肝中心辦理入院手續，為手術作好準備。女兒天真的問個不停：「媽咪病咗呀？要好似細佬咁住醫院既？」「唔係，你都知細佬個肚有件零件壞咗唔舒服，媽咪要將自己件零件拎出嚟換畀佢，細佬好快可以好番，返屋企同你一齊玩！」
半年來，小女孩一直等着弟弟痊癒的一天，一聽母親這麼說，感到興奮莫名：「好嘢！我要同細佬一齊去迪士尼！」虞太見女兒沒半點懼怕，放下心頭大石，交託親人照顧：「我哋諗咗好耐點解釋畀佢聽，始終換肝有風險，應該要畀佢知，但又唔想佢驚。」虞太午後開始禁食隔離，並等候醫生報告全身掃描結果，虞先生則守在風風病床旁，在他耳邊打氣：「細佬過埋聽日就好番㗎啦，要加油呀，家姐喺屋企等緊你！」
等待漫長的12小時
終於，醫生確認虞太的驗身結果全部合格，可於今晨進行手術，將肝臟捐出救兒。她興奮的心情從話筒傳過來：「太好啦，真係太好啦！我好有信心我兩母子都會健健康康咁出院！」由愛兒病情告急全城伸出援手，丈夫決定捐肝竟驗出腫瘤，到今天愛兒續命在望，不過是數天的事，但對兩夫婦來說，箇中滋味，實不足為外人道。
風風與母親將於今晨9時進行手術，虞太的手術需時6至8小時，而風風的則需時12小時。面前只剩一關，虞先生的心情與妻子不大一樣，說到底，推進去手術室的一個是愛妻，一個是愛兒，手術不無風險。「我會喺手術室門口等佢哋出嚟，健健康康咁出番嚟。」對虞先生來說，今天這12小時，是一生最難過的，只盼望今日之後，是一家四口健健康康的重聚。