趣趣地：腦殘貓咗望彌撒？

曼城前鋒「腦殘」巴洛迪利（圖），平安夜同女友去咗望彌撒，仲好乖仔咁捐咗200鎊（約2,430港元），不過佢星期二畀英國《每日郵報》爆料，話佢去教堂之前原來去咗蒲吧！聽酒吧老闆講「腦殘」好nice、好親民，仲請咗現場啲pub友飲酒，足足請咗成1,000鎊！去教堂時係咪貓咗就唔知啦，不過睇嚟酒吧先係巴洛迪利心目中嘅聖地囉。