沉迷玩微博嘅王菲，最愛喺微博上發表言論，日前佢就喺微博度寫：「有沒有人聽出《菊花台》是在隱喻拉肚子？菊花台滿地傷，笑容已泛黃，一生在紙上啊什麼的，敢說菊花台沒有馬桶的意思？哎呀！偶爾無聊下。」暗嘲周杰倫首《菊花台》似足大便歌，唔少菲迷都力撐偶像「太有才」，至於周董所屬嘅杰威爾就話唔會回應。