陳奐仁昨日在商台接受訪問，透露明年2月24日將在紅館開一場演唱會，他直認希望加場：「梗係想，但呢啲嘢可遇不可求，順其自然啦。」他表示已邀請好友鄭秀文擔任表演嘉賓，並透露有幕後人提議他跳霹靂舞，他笑說：「其實我細個學過幾個月芭蕾舞，老師話我有sense同拍子感，可惜身形唔夾。」問到會否安排跳15分鐘芭蕾舞？他自嘲說：「咪即係自加廁所位。」
搵Paul組Band
陳奐仁前晚在新城頒獎禮見到黃貫中（Paul），直言好恨與Paul合作，他說：「佢係傳奇人物，同佢合作肯定會學到好多嘢，真係好希望跟佢互動，肯定好過癮，希望我呢個騷可以感動到佢，之後一齊組BoyBand。」
有指商天娥與張兆輝鬧不和，陳奐仁表示一齊拍劇時不覺有火藥味，他說：「我哋合作得好開心，佢哋都有教我做戲，其中一集講過節做冬，拍完大家仲一齊食餸。」
採訪、攝影：王連連