周柏豪、官恩娜、狄易達等昨日出席港台「第三十四屆十大中文金曲」最佳進步獎八強活動，曾奪該獎的周柏豪表示，今年有大進步：「有好多自己創作嘅歌，仲有其他歌手會採用，滿足感好大。」而官恩娜表示入行後體質比以往差，她說﹕「我聖誕節飲咗兩杯香檳都暈兩日，開完通宵又會見頭暈，真係要食多啲補品。」對於黃又南因工作過勞暈倒，她說：「早排先搵佢幫我拍mv，都幾擔心佢，遲啲搵佢慰問吓。」她透露明年2月將拍無綫新劇。
押後公布十優
港台十大中文金曲大會總監馮偉棠表示，今年頒獎禮會增設「微博給力歌手獎」，全由網民網上投票，由1月1日至7日中午截止；為增加頒獎禮氣氛，他表示每年於倒數活動宣佈十優歌手，今年改在頒獎禮當天公佈。而去年東亞和英皇杯葛缺席，他承認兩間公司今年已答應出席。採訪：王連連
攝影：黃偉雄