布力般流浪同畢爾包，有史葛丹恩同迪馬高斯相繼爆「蛋」，點知原來未爆完。爆開就係咁爆，咪話唔邪。英格蘭次級別聯賽不嬲都身體碰撞激烈，喺拆禮物日英乙基寧咸作客卡維尼場波，就因為一件「血案」而證明咗呢個道理。話說基寧咸翼鋒韋普戴利（圖）喺比賽中途，畀對手鏟中男人最重要嘅部位。最慘嘅係，呢一嘢仲令到佢陰囊撕裂，要縫5針，真係聽到都得人驚。