PSVita早買早享受！但有部份玩家遇到認唔到SIM卡、死機無反應的問題，就連日本玩家都有相同情況。有網友更唔會買第一水咁話。不過，Sony亦有教大家長按電源30秒救機，如果閣下不幸中招，不妨試吓能否救到愛機喇！另外，Sony亦提供咗最新1.51Firmware更新，不過只係修復咗《真．三國無雙Next》及部份遊戲嘅定格情況，似乎仲未能對死機問題對症下藥，不過都係建議各位機主UP咗先！