記者昨以租客身份致電梁小姐，表示對九龍灣的單位感興趣，想約睇樓。聽筒裏傳來女人聲，爆出一連串問題：「你幾多人住呀！幾時搬得呀！有冇糧單呀！」記者禮貌地表示，希望盡快跟男友搬入，因此合心水便會租住，想立即睇樓。不過，對方非常謹慎，多番詢問記者是否帶有糧單，記者稱未有，希望先睇樓再作決定。對方聽罷即指自己已收工，至周六才再有時間。
不論記者如何央求，她也不為所動，更說：「冇糧單點知你咩身份！有糧單至嚟啦」，隨即掛線。
記者昨晚再到振邦工業大廈視察。該幢工業大廈樓高12層，七間劏房位於二樓。從外面看，清楚見到二樓簷篷位置用板分間成7個「露台」，每間劏房裝有冷氣機。
水晶吊燈配磨沙大門
記者乘大廈貨到二樓，甫出門嚇了一跳：新潮水晶吊燈、象牙白色瓷牆、鏡框連磨沙大門、雕花純白色假天花，與一般工廈裝修大相逕庭。牆身貼有「完美」、「設計」字樣，又有一道暗花小門，推開通往暗黑的後樓梯。另外，大堂地面放有數盆形態優雅的假盆栽，牆角裝有閉路電視鏡頭，大門亦裝上密碼鎖，貼有告示「本單位已安裝閉路電視系統，隨時監控，敬請留意！」
《蘋果》記者