謝君豪和何超儀最近合演戲劇大師毛俊輝執導的《情話紫釵》音樂劇，二人昨日在土瓜灣排練，即場演出幾場感情戲，超儀作勢掌摑謝君豪，七情上面。
狂食蛋糕增肥
據知該音樂劇早前在內地公演反應不俗，將於下月6至14日在灣仔演藝學院公演8場。26日生日的超儀差點要在工作中度過，她說：「毛Sir好好，聖誕期間畀咗兩日半我哋放假，因為呢排瘦咗好多，見生日就瘋狂食咗四個蛋糕，其中一個係毛Sir喺排練時送畀我嘅驚喜蛋糕。」
問到老公陳子聰送甚禮生日禮物？超儀說：「冇送，冇要求到。」謝君豪在旁笑說：「佢收好多禮物，要切到出年生日。因為人人有送，所以我唔送就最驚喜。」
超儀還替謝君豪講好話：「其實佢送咗，就係專登趕返嚟同我排練。」
採訪、攝影：馬建華