小小超旗下嘅香港電訊信託（6823，HKT），上市未夠一個月已經頻頻出招，托住股價，點知仍然走唔出尋底厄運。
話說，作為上市保薦人，高盛喺過去嗰一個月已經三次增持HKT，用咗7.7億銀，上星期三HKT出通告，宣佈高盛穩價行動完咗，嗰日亦係高盛穩定價格期間喺市場上最後一次購買行動。
掙扎一番守開市價
雖然同日，HKT再出另一份通告，話已經俾積金局納入為強積金准許投資項目，由於冇人再護盤，所以跟住個交易日，HKT股價創新低4.45蚊。
噚日HKT再創掛牌後新低，曾經低見4.39蚊，經過一輪掙扎，最後收報4個半，險守開市價。小小超一向計仔多，真係要諗吓點樣托番個價上去。