外傭僱主義工隊召集人陳錦花指出，外傭「玩嘢博炒」賺取代通知金及機票的情況一直存在，刻意「打爛嘢」逼僱主炒魷補錢屢見不鮮。
唔使做五、六千蚊落袋
「幾年前每月最多一、兩宗，近期每個月都有十幾宗。試過有外傭返工唔夠三個鐘就話辭職，掉轉頭上勞工處告僱主解僱，追討一個月代通知金。攞到通知金同回國機票費，唔使做就有五、六千蚊落袋，然後去澳門過冷河，當出過境，再返香港重施故技。」
陳錦花促政府制訂合約冷靜期，讓僱傭雙方均有足夠時間考慮清楚才落實合約。
香港家庭傭工僱主協會主席羅軍典建議，僱主可透過小額錢債審裁處追討損失：「中介公司提供嘅資料同事實不符可構成誤導，過往有同類情況獲得勝訴。」《蘋果》記者