Beyond三子相處28年，一同共過不少患難，昨日是鼓手葉世榮小登科，一向是三子和平使者的世榮，竟然沒有邀請，也沒有通知兩位28年的兄弟黃家強及黃貫中（Paul），家強與阿Paul對世榮結婚完全懵然不知，就連世榮太太是誰也不知。不過兩位兄弟接受本報記者電話訪問，也恭喜世榮！
家強開心說：「祝佢同太太白頭到老！連生貴子！」他表示還未聯絡到世榮，他說：「或者遲啲再搵佢啦，如果有心一定見到面嘅。」世榮沒有請他和阿Paul去飲，是否好失望？家強失落說：「少少啦，可能佢唔方便請我哋呢，佢喺北京擺酒，請我哋飛過去，佢要出機票同酒店好貴㗎，我相信佢搞完婚禮一定會搵我哋，只係家婚禮太忙，唔得閒搵我哋啫。」
Paul：冇錄恭賀短片
Paul在電話欲言又止說：「吓？恭喜？恭喜嘅，一定恭喜佢！」世榮的太太終於曝光，問Paul有沒有看到？他說：「有睇報紙，睇到喇。靚，佢鍾意咪得囉。」Paul曾表示世榮的經理人曾聯絡他錄恭賀片段，問他錄了沒有？Paul竟表示：「冇錄到！」問他是否不滿世榮不通知又不請他與家強？Paul笑說：「可能佢唔想勞師動眾呢！或者上微博搵吓有冇佢婚禮嘅相睇吓囉，又或者你哋話畀我哋知佢婚禮情況。」
採訪：陳玉琼